УДИРТГАЛ Манай улс хөгжлийн шинэ шатанд гарч боловсролын тогтолцоо тасралтгүй өөрчлөгдөн хөгжиж буй энэ цаг үед боловсролын салбарын төсвийн төлөвлөлт, гүйцэтгэлийн талаар судалгаа хийх нь цагаа олсон ажил гэж үзэж байна. Сэдвийн үндэслэл Боловсролын хөгжил бол нийгэм – эдийн засгийн бусад салбартай харьцуулахад маш төвөгтэй, олон хэмжээст бодлого агуулдаг. Учир нь боловсролын асуудлын хооронд маш олон тооны хувьсагч болон хамаарал оршдог. Иймээс мэдээллийн найдвартай систем шаардагдахаас гадна санхүүгийн боломж, боловсролын бодлогын сонголт, түүний үр дагавартай холбоотой асуудлыг оновчтой прогноз хийх хэрэгсэл шаардагддаг. Манай улсын хувьд боловсролын салбарын зардлын төсвийн зардалд эзлэх хувь 2002 оны “Төсвийн байгууллагын удирдлага санхүүжилт” – ийн тухай хуулийн дагуу 20% байхаар заасан байдаг. Төсвийн зардалд багагүй хувийг эзэлж байгаагийн хувьд боловсролын салбарын зардал төлөвлөлтийг сайжруулах нь зүйтэй юм. Хөтөлбөрт төсөвтэй уялдуулж төсвийн төлөвлөлтийг хийж байгаа учир гүйцэтгэлд нь шинжилгээ хийж үр ашгийг нь тооцоолох шаардлагатай. Энэхүү судалгааны сэдэв судлах шаардлагатай манай оронд тулгамдаж байгаа асуудлын нэг юм.