Завхан аймгийн танилцуулга. Завхан аймаг дахь аялал жуулчлал. Завхан аймгийн байгаль, түүх соёл, нийгэм эдийн засгийн нөөц. Завхан аймагт явуулах аяллын хөтөлбөрүүд. 46x Агуулга Нэгдүгээр бүлэг: Завхан аймгийн аялал жуулчлалын өнөөгийн байдал 1.1 Завхан аймгийн танилцуулга 1.2 Завхан аймаг дахь аялал жуулчлалын өнөөгийн байдал, аялал жуулчлал эрхэлж байгаа компаниудын үйл ажиллагаа Хоёрдугаар бүлэг: Аялал жуулчлалыг хөгжүүлэх нөөцийн судалгаа 2.1 Байгаль, түүх соёл, нийгэм эдийн засгийн нөөц 2.2 Завхан аймагт аялал жуулчлалыг эрчимжүүлэх талаарх санал, дэвшүүлж буй аяллын хөтөлбөрүүд Удиртгал Нүүдлийн соёл иргэншил бүхий Монголчуудын амьдралд аялал жуулчлалын олон хэлбэрүүд эрт үеэс эхлэн өвөрмөц хэлбэрүүдээр хөгжсөн байдаг боловч өнгөрсөн 20-р зууны дунд үеэс буюу 1954 онд анх “Гадаадын иргэдэд үйлчлэх товчоо” байгуулагдсанаар энэ салбар албан ёсоор хөгжих үндэс тавигдсан гэж үздэг. Гэсэн хэдий ч тухайн үеийн нийгмийн тогтолцоо , дэлхий дээр оршиж байсан улс төрийн хоёр систем тэдгээрийн үзэл суртлын сөргөлдөөнөөс шалтгаалан аялал жуулчлалын салбар манай оронд туйлын явцуу хүрээнд эхлэл төдий хөгжиж байв. 1990-ээд оноос Монгол орон хүн төрлөхтний жам ёсны хөгжлийн дагуу дэлхий нийтийн даяарчлалын үйл явцад татагдан орж зах зээлийн эдийн засгийн тогтолцоо бүхий хүнлэг энэрэнгүй ардчилсан нийгмийн хөгжлийн замыг сонгосноор сүүлийн 15 жилд аялал жуулчлалын салбар маш хурдтай хөгжих боллоо. Хэдийгээр энэ салбарт томоохон ахиц дэвшил гарч байгаа ч Монгол орны тодорхой хэдэн бүс нутгуудад илүү хөгжиж зарим бусад бүс нутаг аймгуудад төдийлөн хөгжөөгүй ба тэдгээр бүс нутаг аймгуудын өвөрмөц тогтоц бүхий байгалийн үзэсгэлэнт газрууд , түүх соёлын дурсгалууд, нутгийн ард иргэдийн өвөрмөц ахуй ёс заншил “аялал жуулчлалын үйлдвэрлэл”-ийн гадна үлдэх болсон байна.