ӨМНӨХ ҮГ Америкийн нэрт эрдэмтэн, сурган хүмүүжүүлэгч, хэвлэн нийтлэгч Дейл Карнегийн хамгийн нэрд гарч олны хүртээл болсон “Нөх дөө өөртөө татаж, хүмүүст нөлөөлөх ёсон” ном таны өмнө дэлгэгдлээ. Дейл Карнеги энэхүү номондоо “Та энэхүү номыг үнэнхүү ашиг тусыг олохыг хүсч байгаа бол ганц удаа гүйлгээд өнгөрөхөд хангалттай гэж бүү бодоорой. Анхааралтай уншсаны эцэст сар бүр хэдэн цагаар эргэн харах хэрэгтэй. Энэ бол таны ширээний ном болох ёстой” гэж зөвлөсөн байгаа. Дейл Карнеги 1912 оноос эхлэн ажил хэргийн болон тусгай мэргэжлийн хүмүүст зориулан Нью-Йоркт цуврал лекцээ уншиж, улмаар түүнийгээ баяжуулан 1937 онд “Найз нөхөдтэй бо лж, хүмүүст нөлөөлж чадахын учир” нэртэйгээр ном болгон хэвлүүлснээс хойш зохиогчийг 1955 онд насан өөд болох хугацаанд уг ном зөвхөн америкаар зогсохгүй дэлхийн бараг бүх бичгийн хэлэнд орчуулагдан дахин дахин хэвлэгдэж нэрд гарчээ. “Нөхдөө өөртөө татаж, хүмүүст нөлөөлөх ёсон” хэмээх энэ ном анх хэвлэгдсэнээс эдүгээ хүртэл бүх үед ард түмнүүдийн хамгийн олон удаа, олон тоогоор хэвлэгдсэн номын тоонд зүй ёсоор орж байгаа билээ. Дэлхийн сая сая хүмүүс энэ номд дурдсан зарчмуудыг хэрэглэн өөрийнхөө амьдралыг илүү сайн сайхан болгохын тулд уншсаар, судалсаар л байна. Дейл Карнеги олон жилийн судалгааныхаа үр дүнд насанд хүрэгчдийг зовоож байдаг гол асуудлуудын нэг бол тэдний эрүүл мэндийн дараа орох хүмүүстэй хэрхэн харилцах, тэдэнтэй яаж таарч тохирох, яаж таалагдах, өөртэйгөө хэрхэн санал нэгтэй болгох явдал байдгийг олж тогтоосон байна. Чухам үүний хариуг “Нөхдөө татаж, хүмүүст нөлөөлөх ёсон” ном танд өгнө. Дейл Карнегийн энэхүү ном бол зөвхөн нэг хоёр удаа уншаад зогсохгүй, түүнийг байнга өөртөө ойр ба йлгаж шөнө унтахдаа ч, өглөө босоод ч байнга хуудсуудыг нь эргүүлэн өөртөө хэрэгтэй хэсгүүдийг тэмдэглэн, санаж тогтоож, түүнийг амьдралдаа хэрэгжүүлэх зориулалттай ном бөгөөд амьдралаа цоо шинээр эхлэхийг хүсч байгаа бүхэнд хамгийн сайн гарын авлага, зөвлөгч болно. Энэ ном дунд ангийн сурагчдаас эхлээд төрийн зүтгэлтэн, ажил хэргийнхнийг хүртэл бүх хүмүүст ойлгомжтой бичигдэж чухам танд л зориулагджээ. Монголчууд 1991 оноос эхлэн Дейл Карнегийн алдарт бүтээлүүдтэй танилцаж эхэлсэн бөгөөд эдгээр ном хэдий гээр таван оронтой тоогоор нэг бус удаа хэвлэгдсэн ч өнөөдөр олдохуйяа бэрх болсон хийгээд олон олон уншигчдын хүсэлтийг биелүүлэн “Монсудар” хэвлэлийн газраас эдгээр цуврал гурван номыг хэвлэн уншигч олондоо хүргэж байна. Та Дейл Карнегийн дээр зөвлөсний г санаж энэ номыг уншиж судалснаар амьдралдаа гайхамшигтай үр дүнд хүрэх болно. Та хичээгээрэй. Танд амжилт хүсье