Монголын Ашигт Малтмал Баяжуулагчдын Холбоо Ш. ОТГОНБИЛЭГИЙН НЭРЭМЖИТ ТЕХНОЛОГИЙН СУРГУУЛЬ БАЯЖУУЛАХ ФАБРИК ШҮҮН ХАТААХ ХЭСЭГ (Гарын авлага) БОЛОВСРУУЛСАН: БФ-ИЙН СУРГАЛТЫН МАСТЕР Б. ЭНХТУßА Г. Ренчинсамбуу Редактор: Энэхүү гарын авлагыг Баяжуулах фабрикийн ажилчид, оюутан сурагчид, курст эхлэн суралцагчдад зориулав 2007 он. ӨМНӨХ ҮГ Баяжуулах фабрикийн Шүүн хатаах хэсэг нь тус цехийн үндсэн дамжлагын нэг бөгөөд зэс ба молибдений эцсийн бүтээгдэхүүнийг усгүйжүүлж хуурай баяжмал хэлбэрээр гаргаж экспортод ачна. Хэдийгээр мөнгөн дүнгээр Баяжуулах фабрикийн зардлын 4,0 орчим хувийг эзлэх боловч ач холбогдлын хувьд чухал хэсэг мөн. Тус хэсгийн ажиллагаанаас баяжмалын чанар, тухайлбал түүн доторх чийг, тосны хэмжээ, металлын агуулга жигд байх зэрэг нь шууд хамаарах ба металлын авалтанд мөн нөлөөлнө. Экспортын ачилт хийгддэг учир бүтээгдэхүүний чанар, жин, савлалтын уут баглааны өнгө үзэмж зэрэг нь олон улсын стандартыг хангасан байх шаардлагатай. Шүүн хатах хэсэгт өтгөрүүлэгчийн машинч, шүүлтүүрчин, хатаагч, вакуум машинч, ачигч-оосорлогч, кранчин, засварчин, цахилганчин зэрэг олон мэргэжлийн ажилчид янз бүрийн тоног төхөрөмж дээр ажилладаг учир тэдгээрээс мэргэжлийн өндөр мэдлэг ур чадвар шаарддаг. Тухайн тоног төхөрөмжийг эвдрэлгүй ариг гамтай ашиглаж, техник технологийн саатал, сул зогсолт гаргахгүй байх, техник аюулгүй ажиллагааны дүрэм зааврыг мөрдөж аваарь осолгүй ажиллах нь ажилчин бүрийн үүрэг байх ёстой. Энэхүү гарын авлага нь ажилчин бүрт хүрч тэдгээрийг мэргэжил мэдлэгээ дээшлүүлэхэд нэмэр хандив өгөхийн тулд боловсруулав. Ш Ү Ү Н Х А Т А А Х Х Э С Э Г Энэ хэсгийн үндсэн зорилго нь зэс молибдены баяжмалыг усгүйжүүлж хатааж ачиж гаргах юм. Баяжмалыг усгүжүүлэх процесс нь өтгөрүүлэх шүүх , хатаах гэсэн хэсгүүдээс бүрддэг. ШХХ-ийн үндсэн үзүүлэлт : Зэсийн баяжмал гаргалт 1500-2200т/хоног Молибдены баяжмал гаргалт 10-15т/хоног Зэсийн баяжмалын ачилт 22-36 вагон/хоног Зэсийн баяжмал усгүйжүүлэх тоног төхөөрөмжүүдийн хэлхээний схем 23,4-24%-ийн зэсийн агуулгатай бэлэн зэсийн баяжмал төв корпусаас ПР-400/40 маркын №157, 158 насосоор төвийн хөтлөгчтэй Ц-25 №1,2 задгай өтгөрүүлэгчид шахагдан ордог. Энд 66-70% ийн хатуугын агуулгатай болтолоо өтгөрдөг ба Ц-25 №1,2 ийн халиа Ц-25 №3 руу ПН №1,2 насосуудаар шахагддаг. Энэ халиа дахин цэвэршүүлэх , хянах зорилготой. Өтгөрсөн бүтээгдэхүүнийг өтгөрүүлэгчийн доороос ПН №1-6 насосуудаар КЧ №64,65 руу автомат горимоор өгдөг. Энд өгч булингийн хэмжээ чаны түвшингээр удирдагддаг.КЧ-№65-с ПН-№66,67 насосуудаар өтгөрсөн зэсийн баяжмал ДШ-100/2,5 №1,4 гэсэн 2 вакуум фильтр С-45 №5 гэсэн 1 керамик фильтрт хувирлах хайрцгаар дамжуулан өгнө. Харин КЧ №64 с WARMEN №85,85а насосуудаар ПРЕСС фильтр №9,10 руу тэжээдэг. ПРЕС фильтр №9,10 с 9,8 хүртэл чийглэгтэй материал гаргаж №53,59а конвейеруудаар бэлэн бүтээгдэхүүний 7200т /3026м3/ багтаамжтай складруу ордог. Харин филтрат нь өөрийн урсгалаар зумфенд хуримтлагдаж тэндээсээ ПН№68а, 69а насосуудаар хяналтын өтгөрүүлэлтэнд зориулсан төв корпусын Ц-50№1 өтгөрүүлэгч рүү шахагддаг. Мөн Ц-25№3 ийн халиа төь корпусын Ц-50№1 өтгөрүүлэгч рүү явна.8,9 Вакуум фильтрийн шүүсэн бүтээгдэхүүний /кек/ чийгийн агуулга өндөр /15% орчим/ байдаг тул №54 конвейерээр хатаах барабан СБ2800-14000 №34 т орж хатаагдана. Энд 9,8с доош чийглэгтэй болж цааш №58,59,59а гонвейеруудаар бэлэн бүтээгдэхүүний складад орно. Бэлэн бүтээгдэхүүний складаас зэсийн баяжмалыг Грейферийн кранаар №61,62 конвейеруудад өгч цааш ачилтанд өгнө.