Голомт банкны төв оффист буюу бизнес хөгжлийн газарт нь бүтээгдэхүүн хөгжүүлэлтийн чиглэлээр хийсэн 2020 оны үйлдвэрлэлийн дадлагын тайлан. 4 голч буюу маш сайн үнэлгээ авсан. ТАЙЛАНГИЙН АГУУЛГА УДИРТГАЛ ХЭСЭГ: Оршил Дадлага ажлын зорилго, зорилт Дадлага ажлын төлөвлөгөө 1. НЭГДҮГЭЭР БҮЛЭГ: Байгууллагын гадаад шинжилгээ 1.1. Эдийн засгийн орчин 1.2. Улс төр, нийгмийн орчин 1.3. Техник технологийн орчин 1.4. Банкны сектор 2. ХОЁРДУГААР БҮЛЭГ: Байгууллагын дотоод шинжилгээ 2.1. Байгууллагын танилцуулга, үүсэл хөгжил, эрхэм зорилго, стратеги 2.2. Байгууллагын удирдлагын баг 2.3. Байгууллагын засаглалын тогтолцоо 2.4. Байгууллагын бүтэц бүрэлдэхүүн, зохион байгуулалт 2.5. Санхүү бүртгэлийн тогтолцоо, дотоод хяналт 2.6. Комплаенсийн үйл ажиллагаа 2.7. Эрсдэлийн улирдлага 2.8. Актив, пассивын удирдлага 3. ГУРАВДУГААР БҮЛЭГ: Санхүүгийн тайлангийн шинжилгээ 3.1. Банкны хүүгийн ба хүүгийн бус орлого, зарлага 3.2. Үнэт цаасны зах зээлд 3.3. Санхүүгийн тайлангийн босоо ба хэвтээ шинжилгээ 3.4. Банкны 9 шинжээр шинжлэх нь 3.5. SWOT шинжилгээ 4. ДӨРӨВДҮГЭЭР БҮЛЭГ: Иргэд, Жижиг дунд банкны газар 4.1. Иргэд, жижиг дунд банкны газар, түүний бүрэлдэхүүн 4.2. Иргэдэд зориулсан онцлог бүтээгдэхүүнүүд ДҮГНЭЛТ ХАВСРАЛТ Ном зүй Аливаа улсын эдийн засгийн хөгжилийн нэгэн тулгуур хүчин зүйл бол санхүүгийн зуучлал юм. Санхүүгийн зуучлагч байгууллагуудын оролцоотойгоор хөрөнгийн илүүдэлтэй байгаа салбараас хомсдолтой салбарлуу хөрөнгө шилжиж, ингэснээрээ эдийн засагт шаардлагатай байгаа хөрөнгө оруулалтыг хийх боломжийг бүрдүүлдэг. Арилжааны банкны явуулж буй үндсэн үйл ажиллагаа нь санхүүгийн зуучлалын үйл ажиллагаа юм. Энэхүү дадлагын ажлын гол зорилго нь танхимын сургалтаар олж авсан онолын мэдлэгээ бататган, практикт ашилглаж банкны байгууллагын үйл ажиллагаа, удирдлага зохион байгуулалт, тухайн банкны явуулж буй үйлчилгээ болон дотоод журам зэрэгтэй биечлэн танилцаж санхүүгийн үйл ажиллагаанд шинжилгээ хийж цаашид авах арга хэмжээний талаар шийдвэр гаргаж сурахад оршино. Монголын санхүүгийн салбарт банкны шинэчилсэн тогтолцоо үүсэн бий болж олноор банкууд байгуулагдах болсон бөгөөд боловсон хүчин болоод, бусад үзүүлэлтийг нь харгалзахын сацуу өөрийн боломж бололцоонд тулгуурлан хурдтай өсөн дэвшиж буй ГОЛОМТ банкыг сонгон 2020 оны 1 дүгээр сарын 04-ны өдрөөс 2020 оны 1дүгээр сарын 24-ныг дуустал 3 долоо хоногийн хугацаанд ИЖДБГ-БХХ-д (Иргэд, Жижиг дунд банкны газар- Бизнес хөгжлийн хэлтэс- Иргэдийн банкны албанд) бүтээгдэхүүн хөгжүүлэлтийн чиглэлээр үйлдвэрлэлийн дадлагыг хийж удирдамжын дагуу өөрийн онолын мэдлэгээ практиктай хослуулан баталгаажуулахыг гол зорилго болгон ажилласан бөгөөд ажлын байран дээрх өөрийн мэргэжлийн онцлог, ажил үүргийн даалгавартай өөрийн биеэр биечлэн танилцаж, практик ур чадвар эзэмшихийг зорьсон. Дадлагын хугацаанд дадлага ажлын төлөвлөгөөг зохиож, төлөвлөгөөнийхөө дагуу удирдлагын өгсөн үүрэг даалгаварыг цаг тухай бүрт нь хариуцлагатайгаар хийж гүйцэтгэн байгууллагын дотоод дүрэм журмыг чанд баримталсан. Дадлагын хугацаанд хийж гүйцэтгэсэн ажил үүргийн бүхий л өөрт хэрэгтэй мэдээллийг олж авч, онолын мэдлэгээ практик дадлагатай холбон 2015-аас 2018 он хүртэлх жилийн эцсийн тайлангууд дээр тулгуурлан дараах дадлагын тайланг хийж гүйцэтгэсэн болно. ДАДЛАГА АЖЛЫН ЗОРИЛГО, ЗОРИЛТ Үйлдвэрлэлийн дадлагын гол зорилго нь санхүү, эдийн засгийн тэнхмийн мэргэжлийн хичээлүүд болон бусад хичээлүүдээр олж эзэмшсэн мэдлэгээ бататган, онолын мэдлэгээ бие даан практикт хэрэглэж, бизнесийн болон бусад байгууллагын дотоод гадаад орчин, тэдний бизнесийн үйл ажиллагаа, зах зээл, өрсөлдөгч, зохион байгуулалт, тулгардаг бодит асуудлууд зэргүүдийг судлах, таньж мэдэх, онолын болон практик судалгаа хийхэд оршино.