Хөдөө орон нутагт байгуулах жимс, жимсгэнэ тариалах, боловсруулах загвар үйлдвэрийн техник-эдийн засгийн үндэслэл ТӨСЛИЙН ШААРДЛАГА ҮНДЭСЛЭЛ 1. Хүн амыг жимс, жимсгэний физиологийн хэрэгцээний хангалтын төвшинг нэмэгдүүлэх, тэдгээрийг тарих, хадгалах, боловсруулах үйл ажиллааг дэмжих, зөв хэрэглээнд сургах, импортыг орлох хүнсний бүтээгдэхүүнийг үйлдвэрлэлийг нэмэгдүүлэх. 2. Монгол улсын ойн бүсэд 100 000 орчим га талбайд нэрс, үхрийн нүд, аньс, хад, чацаргана зэрэг байгалийн зэрлэг жимс, жимсгэнэ ургадаг. Түүнчлэн Увс аймагт 500 га, Говь-Алтай аймагт 22 га таримал чацарганы талбай бий бөгөөд Дорнод аймгийн Халх гол суманд жимсний аж ахуй эрхэлж байсан мөн өрхийн үйлдвэрлэлийн төвшинд жимс, жимсгэний аж ахуй эрхэлж байгаа зэрэг нь энэ чиглэлийн тариалах болон боловсруулах үйлдвэрлэлийг хөгжүүлэх суурь болж байна. 2.1.Төслийн судалгаа Эх орны зэрлэг ба таримал жимсийг тариалах, хүнсний ногоог боловсруулах, ургамал, жимсний ханд бэлтгэх талаар эрдэм шинжилгээний болон туршилт судалгааны ажил нилээд хийгдэж байсан болно. Энэ туршилт судалгааны ажлын үр дүнд дээрхи аймгуудад жимс, жимсгэний аж ахуйг эрхэлж байсан. 2.2.Зорилго Монгол улсад жимс, жимсгэнийг тарималжуулж, жимс, жимсгэнэ, хүнсний ногоог боловсруулах үйлдвэрийн тоог нэмэгдүүлэх, төрөлжсөн үйлдвэрлэл бий болгох, экологийн цэвэр ханд, бэлдмэл бүхий ундаа, жимсний чанамал, компот, шүүс, нөөшилсөн ногоо зэрэг импортыг орлох үндэсний үйлдвэрлэл бий болгох, тэдгээрийг дэмжихэд оршино.