Өрхийн хүлэмжний аж ахуйн төсөл /10хуудас-word/

хүлэмжний аж ахуй эрхлэх болон төмс,хүнсний ногоо тариалах

1. ТӨСЛИЙН ҮНДЭСЛЭЛ, ХЭРЭГЦЭЭ ШААРДЛАГА Анх миний бие нь ОУ-ын байгууллагын “Ногоожуулах төсөл”-ийн үр шимийг 2003 оноос хүртэж эхэлсэн. Өөрөөр хэлбэл өрхийн хэмжээнд хашаандаа төмс, хүнсний ногоо тариалах сургалтанд сууж төмс, хүнсний тарьж арчлах талаар мэдлэгтэй болсон. Үүнээс хойш бие даан төмс, хүнсний ногоо тариалж илүү их мэдлэг, туршлагыг хуримтлуулсан. Мөн манай багийн гишүүн бүр өрхийн хэмжээнд тариалалт хийж байсан туршлагатай. Өнөөдөр олж авсан мэдлэг, туршлагаа ашиглан төсөлд хамтран оролцох завшаан тохиолдож байна. Энэ нь төслийн сонгон шалгаруултанд орж шалгарч чадвал өөрсдийн энэхүү төслөө хэрэгжүүлэх бодит боломж нээгдэж байна. Эрүүл саруул амьдрая гэвэл хүнсээ өөрсдийн гараар тарих шаардлага зүй ёсоор гарч ирж байна. Тухайлбал хоол хүнсээр дамжин өнөөдрийн бидний хэрэглэж байгаа ихэнхи бүтээгдэхүүнүүд нь олон төрлийн химийн бодисын найрлагатай учир хавдар, харшил, дархлаа муудах, томуу зэрэг олон төрлийн өвчнөөр өвдөх шалтаг нь болжээ. Иймд өөрсдийн гараараа тариалсан хүнсний ногоо хэрэглэх нь эрүүл саруул амьдрахын эх үндэс билээ. Тийм учраас энэхүү төслийг багаараа санаачлан сонгон шалгаруултанд оролцох болсон. Төсөлд хамрагдсанаар өрхийн хэмжээнд тариалж байсан бол одоо өрхийнхөө хүнсний ногооныхоо хэрэгцээг хангаж цаашлаад орлогын шинэ эх үүсэртэй болж, ажлын байр шинээр бий болгох, орон нутгийн иргэдэд шинэ шимт ногоогоор хангах зэрэг ач холбогдолтой юм.