|
Хэрэглэгчийн файл
Телевизийн хөрөг үзсэн : 16001
Телевизийн хөрөг гэж юу вэ Word 37 хуудас
УДИРТГАЛ
Хөрөг нэвтрүүлэг тухайн баатрын дотоод сэтгэл, ажил хөдөлмөр, бага нас гээд бүхий л зүйлийг нь тод томруун гаргаж өгдөг, эсвэл тухайн хүний амьдралд тохиолдсон онцлог үйл явдлаар төлөөлж болдгоороо бусад нэвтрүүлгээс онцлогтой. “Хөрөг” хэмээх сэтгүүл зүйн энэ төрөл телевизийн төрөл болохоосоо өмнө сонин хэвлэлд нийтэлдэг бичвэрийн төрөл зүйл байсан. “Энэ хүний тухай ийм сонирхолтой зүйлийг та мэдэх хэрэгтэй” гэдгээс эсвэл уг хүний тухай мэдэхийг хүсдэг хүмүүсийн сонирхлын үүднээс хөрөг үүссэн. Телевизийн хөрөг нэвтрүүлэг бэлтгэдэг уран бүтээлчид Монголд цөөхөн байдаг. Хөрөг нэвтрүүлэг бүтээхэд гол санаа буюу баатраар дамжуулан хэлэх гэсэн санаа чухал байдаг. Хөрөг нэвтрүүлгийн гол баатар телевизийн дэлгэцэнд хэрхэн амилах нь зөвхөн уран бүтээлчдээс хамаардаг тул нарийн мэдрэмжтэй дүрслэж, өнцөгөө зөв тодорхойлох хэрэгтэй.
Сэдвийг сонгосон үндэслэл: Хөрөг нэвтрүүлэг нь дотроо сурвалжлага, нийтлэл, ярилцлага зэрэг олон төрөл жанрыг багтаадгаараа бусад төрлөөс ялгаатай. Миний сэдэв энэ төрөлд илүү тохирох учраас би хөрөг нэвтрүүлгийг сонгон авсан юм. Хөрөг нэвтрүүлэг нь гол баатрын туулж өнгөрүүлсэн амьдрал, туршлага, түүний зан төлөв хийгээд дотоод зан чанарыг төлөөлөхүйц онцлогийг тодруулан, дүрслэн үзүүлдгээрээ онцлогтой. Хөргийн баатар нь үзэгчдэд сургамж, дуурайл болохуйц амьдралын замнал туршлагатай хүн байх нь зүй юм.
Сэдвийн судлагдсан байдал: Судлаач Х.Наранжаргал “Телевизийн сэтгүүл зүй”, доктор Л.Норовсүрэн “ОНМХ-ийн бичлэгийн төрөл зүйл”, МУСГЗ профессор Д.Амбасэлмаа “Үзсэнээ уншихуй”, М.Баяраа “Теле сэтгүүл зүй” зэрэг номонд телевизийн хөргийн тухай судласан байна. Мөн баклавр магистрын түвшинд судлагдсан бүтээлүүд байдаг.
Судалгааны ажлын зорилго: Судалгааг хийхдээ хаана, ямар дүрс авсан, тухайн хүний чухам юуг нь онцолсон, мөн үзэгчдэд хэлэх гэсэн санаа нь юу байв, дуу шумыг хэрхэн тавьсан зэрэг болон сэтгүүлчийн зүгээс тухайн хүнээ хэр зэрэг судласан, ямар асуулт тавьж байна зэргийг ажиглалтын аргаар судаллаа.
Судалгааны ажлын практик ач холбогдол: Хөрөг нэвтрүүлэгт дараах үндэслэлээр судалгаа хийхийг зорьлоо. Үүнд:
1. Тухайн нэвтрүүлгийн давуу тал.
2. Дутагдалтай тал
3. Холбоос
4. Хөгжим шум
5. Нэвтрүүлгийн хэлэх гэсэн санаа зэргийг авч үзэн анализ, ажиглалтын аргаар судалгаа хийлээ. Миний судалгааны ач холбогдол нь дараа дараагийн уран бүтээлчид, тэр дундаа хөрөг нэвтрүүлэг бүтээгчдэд тодорхой чиглэл санааг өгөх. Түүнчлэн өөрийн нэвтрүүлэгтээ холбоос, дуу шум зэргийг хаана яаж хийвэл тохиромжтой байх вэ гэдгийг чиглүүлэхийг зорьсон юм.
Татах
|
